khaled


    اجمل ما قريت شعر

    شاطر
    avatar
    ramzi.bizo.40

    عدد المساهمات : 29
    السٌّمعَة : 43
    تاريخ التسجيل : 24/03/2009
    العمر : 27
    الموقع : http://khaledvb.ahlamontada.net

    اجمل ما قريت شعر

    مُساهمة من طرف ramzi.bizo.40 في 8/4/2009, 01:27

    من يشتـري قلـبٍ همومـه ملاييـن
    ويبيعنـي قلـبٍ مـن الهـمّ خـالـي

    عجَـزت أعـدّل مايـلات الموازيـن
    أليّا اعتـدل ميـزان ميـزان مالـي

    دنياك يا الجاهـل تراهـا أمّ وجهيـن
    أيـام تشـرب مُـرّ وأيـام حـالـي

    ويظهر صديق ٍ لك من الناس الأقصين
    يكفيك عـن رفقـة رفيـق ٍ موالـي

    ورفيقـك اللّـي بالقفـا حَـدّ سكيـن
    بع رفقته بأرخـص ثمـن لا تبالـي





    لو المطالب بالتمني دون كيف ودون ليه
    كم واحدٍ لامن طلـب تحققـت امنيّتـه

    ياليت له اخٍ صغيّر واتعذربـه واجيـه
    لاقال وش عندك هنا طلّعت له عيديتـه

    والله لعزّه وان تعثر قلت بسم الله عليه
    ماهو لجل عين الصبي لجل عيون اخيّته

    ذبحت نفسي من غلاه الله يرحم والديه
    واللي ذبح نفسه بنفسه كيف تِدفع ديّته






    لاتجى بيت العنـود ولا تمـره
    الحذر يللي على عمرك الداري

    فر قلبي يوم شاف الزين فـره
    فرطير شايف زيـن الحبـاري

    شفت شيء لابلاك الله بشـره
    مادريت أنه لجرح الناس ظاري

    قلت عطني من ثوابك بس مره
    قال مايكسا العرى ثوب العواري

    العنود سهيل والبيض المجـره
    فرقها فرقا الفتيل عن السواري




    مايهز القلب ويزيـد تحطيمـه
    غير يوم فيه فرقاء وغربالـي
    كل طقه في المحبـه بتعليمـه
    تفرض الصادق على كل محتالي
    ياحبيبي حبك أقـراء مفاهيمـه
    كل مايطري فراقك على بالـي
    أرتعش من قد حبك وتعظيمـه
    وأعترف لك كل شئ يتهيالـي




    ماعاد باقي فـي حياتـي حسوفـه
    وش عاد عندي باقيً فيـه مـازال

    أن قلت مابي زاد بالقلـب خوفـه
    وأن قلت أبسكت ينجرح واقع الحال

    كني بدنيا شمسهـا فـي كسوفـه
    والليل ظلما والشقا فيهـا يختـال

    واللي خفا يصعب علّيـه وصوفـه
    متاعبً منها أنقلب حالـي أحـوال

    أن جـاد يـومً عاندتنـي ظروفـه
    كني أعيش أيام عمري على الجال





    يا قلب سامحني على كل زلـة
    أخطيت في حقك كثير وتماديت
    علمتك أدروب الهوى والمذلـة
    عليك يا قلبي قسيت وتجنيـت
    ياما نصحت وقلت من صد خله
    لا شك ما طاوعت يومك تخليت
    avatar
    ramzi.bizo.40

    عدد المساهمات : 29
    السٌّمعَة : 43
    تاريخ التسجيل : 24/03/2009
    العمر : 27
    الموقع : http://khaledvb.ahlamontada.net

    رد: اجمل ما قريت شعر

    مُساهمة من طرف ramzi.bizo.40 في 28/5/2009, 03:09

    Embarassed Embarassed Embarassed Embarassed
    avatar
    khaled
    Admin

    عدد المساهمات : 150
    السٌّمعَة : 24
    تاريخ التسجيل : 21/03/2009
    العمر : 25
    الموقع : www.khaledvb.ahlamontada.net

    رد: اجمل ما قريت شعر

    مُساهمة من طرف khaled في 28/5/2009, 03:12

    29 thank you *****

      الوقت/التاريخ الآن هو 18/10/2017, 12:11